Friday, 16 February 2018

गौरी (बिगियानारि सुंद' सल')

(सल') 

लिरगिरि: बिनेश्बर बर'
Contact writer
हस्तेलाव फैनाया गोबाव सम जाबायमोन | बेखायनो आगोल आबहावाखौ गाज्रिमोन्दोंमोनब्लाबो बेयावनो रंजानानै थायोमोन लोगोफोरजों | बुंनो बावदोंसो आं , आं आइ आइ ति नि गोदान माने 1st semनि फरायसामोन |
   आं गासैनिखुरैबो गोसो होनाय आरो आंनि गोसो बोनाय बाथ्राया जाबाय बे संसारखौसोर सोरजिदोंमोन! आइ आइ ति नि फरायसामोनब्लाबो आंनि 17बोसोर बैसोनि गोसोआ बे बाथ्राखौ जानगारनो हायासै दिनैसिमबो |आं दिनै बे अदितरियामाव बुंनो थांनाय जिउ जारिमिनआवएसे यम नांनो हागौ | आं सानो नोंथांमोना खोनांसंगोन, नोंथांमोननि गासैनिबो गोमोथाव गौरिखौबोथाबनो बरायगोन ...|
    आं जोनोम जादोंमोन 15 दिसेम्बर ,3025 खालाराव गंसे गोरिब नख'राव | बे नख'रा गोरिबमोनब्लाबो आफायी बै समनि बि ए पासमोन | जायखौ जों दिनै super final होनो बैखौ पासमोन | आयैआ दानि मुगानि Exam Test पासमोन |बेखायनो बिसोरो फरायनायनि बेसेनखौ बुजिदोंमोन | बिदिनो गोबां सम बारबाय आंबो मेथ्रिक एबा  Exam Test खौ मोजांओइनो पास जादोंमोन | नोंथांमोना मोनथिगौना बै समाव जोंनि हादोर भारतआ बुहुमनि जौगाफुनाय हादोरसोमोन | जिखिजाया दानिया नोंथांमोननि खौनासंनो नागिरनाय ससेखौ बुनोसै |

अब्ला आं आइ आइ तिखौ क्रेक खालामनाया 2बोसोर जाबायमोन | आंनि फरायनाय आयदायामोन Spaceनिबागै | बे समावनो आं फरायनो मोन्दोंमोन बुहुमनिफ्राय 4000light year* गोजानाव जोंनि बुहुमबादिनो मोनसे ग्रह दों | बिदिनो गोबां बुहुमबादि ग्रहनि मुं दोंमोन | नाथाय बेयो एसे गोसोबोबाय आंनि | मानोना बेनि मुंखौ बिगियानिफोरा "गौरि" दोन्दों | बे बाथ्राखौ सानै सानै आं गुगलआव नायनाबो मोनदिया |उनाव सार सासेखौ सोंबाय , "सार,बै ग्रह गौरिनि मुंखौ मानो गौरि दोना?"
सारआ फिन होदोंमोन , "2020आव जोंनि हादोराव सासे आयजो दोंमोन | बिनि मुंआ गौरिमोन , बे गौरिआ सासे बिगियानि जानो जोबोर गोसोमोन | नाथाय उदखारिफोरा बिखौ गोथांओइनो खावना बुथारदोंमोन | गोमोथाव बाथ्राया जाबाय बिखौ नेतआव मोना | बेनि जाहोना जाबाय जोंनि बे बुहुमखौ हि गौरिआ गोदान महर होलांदों | बे बुहुमआ 2028 आवनो धंस जागौमोन | नाथाय बि गौरिआ बुहुमाव मोनसे ओरैबादि layer सोरजिना गारलांदों जेराव गाज्रि बार , बिजानु, ultra violate बायदि बायदिफोरा जामा जानानै थायो |बे layerनि थाखायनो गुबुन मोनसे ग्रहआ धंस' जादोंमोन | बिनि मुंआ जाबाय दानि "गौरि" |
सारआ आरोबाव गोबां बाथ्रा बुंदोंमोन,बिफोरखौ गासै बुंजोबनो हाया |
  सानसेखालिनि बाथ्रा, बे बाथ्राखौ सानै सानै कलेज केम्पासथिं फैगासिनोमोन आं | बे समावनो नुनो मोनबाय गोजा गाबनि सि गाननाय सा-5 सुबुं | आं खाथिआव थांनानै सोंबाय ," नोंथांमोना बबेनि?" सासेआ फिननायसै, "गौरी" | आं सानबाय सोरनिबा साल नंआथ' बेयो ! बिसोरनिनो आयजौ सासेआ बुंबाय, " जोंनो नोंनि हेफाजाब नांगौ..." आंबो फिनबाय " मा हेफाजाब?" " बिखौ उनाव बुगोन, नों गोसोबोला जेबो खहा जाया |" "जदि जेबो खहा जाया एबा आं मावनो हानाय, अब्ला मावगोन "
स्रोदनो बिसोर खाथियाव थानाय गेदेर थुफिबादि जायगायाव हाबनायसै | आं उदासखौनो मोनदिया बिसोर बेयाव हबना रकेत बादिनो स्पिदजों बिरलांबाय |
    बाथ्राखौ सानहाबनायसै आं, बिसोर बुंदों जायगा "गौरी" नाथाय आं मोनथिनायाव गौरि मुंनि जेबो जायगा गैया | बिसोर बिरलांदों खमब्लाबो 100km/sec speed आव |नाथाय बै सम (3039) सिम आमेरिकाया गासैनिखुरैबो speedगोनां रकेत slash35निआ जाबाय 30km/sec. जोंनि भारोतनिया 23km/sec . chinaआ 50km/sec. नि दैहनदोंमोनब्लाबो airlight attak आरो Airshift Attack आव जेननानै 2010-2020नि भारतनि हालादाव दों | जायनि जाहोनाव दासिमबो 30खोनो बारहोनो हायाखिसै |
   बिदिनो सम बारलांबाय आरो बोसोरनै बोसोरसे बारबायमोन | जोंनि depermentनिफ्राय पिकनिक जानो थाखाय जोबोर खाथिनिनो मौसिनरामआव थांगोन |

सोरगिदिं रंजानां सावगारि | मौसिनराम थारैनो जोमै रायजो मेघालयनि समायनासिन महर | सोरबा मोसाग्लांदों, सोरबा अखायाव दुगैदों, सोरबा फत' ओनथिदों आरो गोबां | नाथाय आंनि गोसोआ एसे दरसि दरसि मोनगासिनोमोन , जेनिबा माबा मोनसे जासिगौ | मोजांबो जानो हागौ गाज्रिबो जानो हागौबादि मोनगासिनो गोसोआव | आंबो खाथिनिनो निजोरायाव आथिं सुनो सानना हाबबां जाब्ला मेगनखौ फिदिंनो हाया जाबाय | बेखौ मा नुखो आं!  बै सानखालि नुनाय थुफिबादिआ दिनै अन्थाय सायाव गोग्लैना दों आरो सेराव सासे आयजो |गाननायाव बै समआव नुनाय गोजा सिआनो | आं मा खालामनो मा मानो जाबायमोन | बे समावनो बि आयजोआ माथो होबाय ," आंखौ रैखा खालाम...." आंबो उन सिगां सानासै आरो बिखौ अनथायनिफ्राय दैखांनो लाबाय | गोमोथाव बाथ्राया बेनोमोनदि बि गाननाय सिआ तामानिसोमोन ,गोजा गाब होनाय | बिनि आगसि आखाया अन्थायाव हाबना दों | अन्थायानिफ्राय आखायखौ बोखारना होनाय लोगो लोगोनो थुफि सायाव सोदोब मोनसे खोनानो मोनबाय | जेनिबा मबाइलनि रिंथन | सेराव थानायलाय  आं नुबायदि बियो मबाइल बादिनो नाथाय गेदेरसिन | आं सानबाय बियो मबाइल , ओंखायनो दांहां जाबाल'सोमोन आयजोआ ओरैबादि होस्रिखावना होबायदि आंनि लोगौ, सारमोनाबो बे जायगासिम मोनफैबाय | बिसोरबो गोमोहाबबाय | मा जानो हागौ !
      आयजोखौ आंनो दैखांनानै जोंनि पिकनिक केम्तसिम लाबोबाय | बे समाव बि आयजोआ आंनिथिं गल'ल' नायबाय थादोंमोन | आं बांद्राय गोसो होयासैमोन | बेनि उनाव आं सारमोनखौ बुंबायदि बि थुफिबादि "Space Machine " खौ रावबो जाहाथे दांनो हाया | बिनि लोगोआव बे आयजोनि जिउनि माबाफोर लोब्बा दों | बिदिनो मोनाबोबाय | आं बाहेराव ओंखारां जादोंमोनल'सो आयजोआ माथो होबाय, "स् थ म आव आइ " रावबो जेबो बुजियासै | आं ओंखारबोबायमोन | सानबाय बियो मा फोरमायनो सान्दोंमोन बेजों ! बे समावनो गोसोखांबाय बिनि आगसि आखायाव नुनाय इंलिस हांखोफोरखौ...| 
आं फैफिनबाय , बियो मिनिस्लु जादोंमोन | आं सोंबाय "नों बबेनि" " न' उवल गौरी , मा न जयल" लोगो लोगोनो आखायाव नायलांबाय , "आं गौरी ग्रहनि, आयै आरो सारमोना बुंदोंमोन नोंखौ!"
बाह ! बिसोरनि technologyआ बेसेबां गोजौआव दों! गुबुननि राव दानस्लायनो हायो, राव बुजिनो हायो...| बेनि उनाव गोबां बाथ्रा सोंबाय |
       जोबनायाव आं सोंबाय," गौरीनिफ्राय बेवहाय मानो फैदों? बियो फिन होलांबाय...
आरोबाव....गौरी ग्रहखौ जों "उवन" होनो | नोंसोरनि बुहुमनि सुबुंफोरा सासे आयजोनि मुंओइ "गौरी" दोनबाय |बि आयजोआ बुहुमनि सुबुंफोरनि मोजां मावना जोंनि "गौरी" ग्रहखौ धंस खालामलांबाय | बिआव जीवनां जेबोआनो थांना थानो हालिया | ओंखायनो जों नोंथांमोनजों मोनसे शान्थि सुक्तिनि थाखाय फैबाय |"
:मा शान्थि सुक्तिनि थाखाय?- जोंनिनो सार सासेआ सोंबाय |
: गोबां समनिफ्रायनो आमेरिका आरो रासिया बे मोननैया मंगल ग्रहआव थांनो नाजीदोंमोन | नाथाय दिनैसिम हायाखै | बे खामानिखौ सासे इन्ङियानासो मावनो हागोन |...."
:सोर बिलाय?- आं सोंबाय
:समाव बुंगोन |जेब्ला जाफुंगोन अब्ला जोंनो नोंथांमोना बि मंगल ग्रहनि आद्रा बाहागोखौ होनांगोन |
: बे बाथ्राखौ बेयाव मानो बुंबायबाय दों ! इनतारनेसनेल साइन्स एक्त आवसो बुंनांगौमोन! "-आंनिनो लोगो सासेआ बुंबाय |
: बेयाव बुंनायनि जाहोनानो जाबाय मंगल ग्रहनि गासै बाहागोआनो 12बोसोरनि थाखाय सासे सुबुंनि आखायाव थागोन आरो बि सुबुंआ बेयावनो दों |...
    बिदिनो बै समाव जों गोबां बाथ्रा रायज्लायबाय | नाथाय बाथ्राया जाबाय मंगल ग्रहआव थांनाय खामानिखौ आं जाफुंहोनो हाबाय | बेनिखायनो नोंथांमोनखौ बे एक्तनि थाखाय बेयाव लाबोनाय जादों | नोंथांमोनि गौरीखौ बरायनाय सम फैबाय | गौरी थाबैनो नुजाथि होफैदो....|
गौरीआ आगानसे आगाननैओइ साधारन आइजोबादिनो दावगा बोबाय | आं बुंबाय ," गौरीआ माबा बुंगोन नोंथांमोना सानना नाय..."
बियो बुंलांबाय | आंनोमोन बै आयजोआ , आं बै नोंथांमोनखौ बासायनाय गौरी नंआ नाथाय आं जोंनि गौरी ग्रहखौ बासायनो थाखाय दिनै नोंथांमोननि सेराव | नोंथांमोना बेयाव मेगन बेखेवनो हादों बै गौरीनि थाखाय | सानना नायनाय 2020आव धंस जानो गोनांमोन, नाथाय 3025नि देउना बारलांबाय | आरो रोजा रोजा थांना थागोन नोंथांमोना | नाथाय बेखौ साननो नांगौदि जोंनि ग्रहआ मा जागोन!! जों सैमा अमाजों रुजु जाया , रुजु जायो सुबुं माहारिजों...सुबुं माहारिआ जा दों बिनो दों जोंनाव | माथ्र जोंनि मेलेमनि गोहोआ गोरासिन | नोंथांमोना इसोर फोथायो जोंबो फोथायो | गासै एखे , मोनसेल' फाराग जोंनि गोहो सोलोआ गोबां | दानिआ सानना नायनांगौदि नोंथांमोननि गौरी आरो आं गौरीनि गेजेराव फाराग मा? फारागआ बेनोदि आं गासैनिबो मोजांखौ नायगिरो | 
   4000light year बारनानै दिनै आं बेयाव नोंथांमोनजों सुक्ति खालामनो फैदों बेल' नंआ , सोरबा अनजालुखौबो लोगो हमनो फैदों | जिखियानो जा नोंथांमोना आरोबाव सानना नायदोसै जों मा नायगिरो ! जों थांना थानो नायगिरो मोजां मोननायनि गेजेरजों | जोंनो दरलाबसे थांना थानायनि जायगा होनो हाया नामा ??"
सोरगिदिं गोनोगोथो आबहावा सोमजिबाय | रोजा रोजा सुबुंनि गासैबो सोरबा बिगियानि, सोरबा इन्जिनार , सोरबा बुदिजिबि....| आंनि खोमायाव गोग्लैदों होयोबोला खैफोद जागोन.....बिसोरनिखौबो साननांगौ....जोंनि थाखायनो बिसोर धंस जासिगोन .....बे बाथ्राया थार जायाबोथ' जानो हागौ!
बेनि गेजेरावनो आं माथो दैहनबाय," जाय बिथांमोनहा बे सुक्तिनि थाखाय राजि बिथांमोना आखाय दैखांनांगौ |"
लोगो लोगोनो रोजा रोजा सुबुंनि गासैबो नंआब्लाबो गासैबो बुंजायो...गासैबो आखाय दैखांबाय | 
आंबो सोमोनांबाय आं फरायनो मोन्दोंमोन बै 2027नि समाव बुहुमनि गासै सुबुंआनो मोजांमोननाय अनसायनाय बावलांदोमोननो | नाथाय दिनै 3025आव बेयो गोदानै जागायफिनबाय...थांना थानायनि थार रंजानायखौ मेगन सिगांआवनो नुबाय...|
बे जाथायखौ नुनानै गौरीआ रंजानायजों मेगन मोदै गबाय आरो आंखौ गोबाख्रबना हमबाय , बियो बुंबाय :"नोंसो थार सुबुंआ | नों नंआब्ला बुहुम आरो जोंनि गौरी ग्रहनि गेजेराव दावहा जागौमोन , रावबो थांना थानो हानाय नंआमोन ...| जोंहाबो खहा जागौमोन, नोंसोरहाबो ....|"
बिखोलाय आंहाबो गाज्रि नंआखैमोन....गुफुर गोजौ, खानाय गोलाउन, गन्थं नाब्लि, मेगन फामे बिबारबादि.....जोंनि दखना गाननायजों जोबोर समायदोंमोन | दिनै जों बर' हारिआ बुहुमाव सिनायथि मोनबाय | दानिया गासैबो जोंखौ गिगोन एबा सन्मान होगोन | आं दायलग बुगोन जों बर', बुहुमनि गोहो.......| 
बिसोरनि रावआव आं बुंबाय," अ मन फटच त सनन गौरी"..
आं नोंखौ मोजांमोनो गौरी.....|



Sunday, 24 December 2017

मदाफिनो मोदै

सासे सुबुं,सोरनिबा मदाफि बिफा थैनायनि सोरनिबा दूखुसो आं फोरमायदों
....

मदाफिनो मोदै

"""""""""""""""""""
मदाफिनो दिनै मोदै रुखु रूखु
मोदै बावदों;
बिबोमोन सोरनिबा दावबायहोगिरि।

गोदै आरो गोदैसिन मूलि
गोखा खाब्रां रावनि थुलुंगायाव
थेउब्लाबो मदाफिनो मोदै....।

आत्मानि मोदै, बेसेदि गोदै
जिउनि नंआब्लाबो
अनजालिनिथ' गोदै मोदै!

आस'खान्दा

Chanakya Narzary > गोरिबनि देंखो खन्थाय आरो सल'

"आसखानदा"

सान अख्रां जारां महर
खोमसि हरनि हारथ'खि फाग्ला खारनाय,
नोंनि दख'ना फैसालिया आंखौदि
सिरि मोनहोदोंमोन नोंखौ मोजां मोननो।
बारि सुबानि हांगोमोर मोदाय
बिखायाव थिर गावदों,
नोंनि सामुससे अननाया
जिउखौ बेसेदि बल गेलेहोदों।
अरायथि नुजायि जायख्लं
बोसोराव सिनि सैथ' नुजायो,
बेबादि नोंनि अननायादि गोसो सिंखावना
गोसोखांहोदों बै समनि थाखोमा लायनायखौ।
आंनि फेरलेबसे मोदै
थाद' रोङासै,
नोंनि मोफ्लामगासे मोजां मोननाया
आंनि अननायखौ आसखानदा खालामबाय।
।।गोजोनथों।।
Chanakya Narzary [admin]

दुनाय गोसो

बाबुल बर' > गोरिबनि देंखोआव मेथाय आरो खन्थाय

"दुनाय गोसो"

****************
रां-रुफानि दुनाय
गावखौनो गोजौ सान्नाय
मालायखौ दुइसिन सान्नाय
सुबुं नासयनाय
मालायनि गाज्रि मावनाय
अनागारि मावनाय
मोदोम बेगें सोबखनाय
गावखौल' सिनायनाय
खायसे गोसोनि सानस्रि ।
नोंनि जोनोम मालाया होनाय
नोंनि मुं मालाया होनाय
नोंनि धोन सम्फति मालाया होनाय
मानसनमान मालाया होनाय
नोंनि सारादुखौबो मालायानो होगोन।
अब्ला धोनलाना मानो दुदों
गोहोलाना मानो दुदों
गुबुनखौ मानो सोबख'दों
आलायसिलाय मानो खालामदों
दाय गैयैखौ मानो फोथैदों ।
थैनानै थांब्ला जेबोखौनो
हानायनंङा लांफानो
धोन सम्फति रां-रुफा अहं दुनाय
बे हायावनो सेवलांगोन गोरबलांगोन
खालि थांफागोन फाब आरो फोन ।।
लि.गि. मुश्री बाबुल बर '
____________________
खालार-18/12/2017इं
सम फुं~8:40 रिंगा ।

गोदै सिमां

बाबुल बर' > गोरिबनि देंखोआव खन्थाय आरो सल'

गोदै सिमां

लांदां बिखाया हरखाब
आबुंनि महर मोनो हाबाब
हां थाबथेनाय गोसोआव हरखाब
गोथां गोथां सोमखोर सिमां।
अन्जालिजों जुलिनि
गलाप गाब दाफबनायनि
जिउ संसारनि सुखु-दुखुनि
हर गेजेरनि गलाफि सिमां।
आंनि सिफुंनि देखोआव
बेसेबा गोदै स'न्दआव
नोंनि देलाइ-देलाइ मोसानायाव
आंनि गोसोआ बेसेबांबा गोजोनदोंमोन।
गोसोआव नों आरो आंनि
गोथार जुलिनि
रुजु-रुमु संसार जानायनि
मिजिंफोरजों फिसिनानै लाखिनाय सिमां,
मोख्थांआव जाफुंबाय सानदोंमोन।
नाथाय!! बियोदि हर गेजेरनि
गोसोनि साननायल'मोन
गोदै सिमांल'मोन
सिमां मुलुगनि मोनसे सावगारिल'मोन।।
मुश्री बाबुल बर'
__________________
खालार-17/12/2017 इं
सम फुं~7:00 रिंगा ।

लोरबां गोसोनि सोमावसार सानस्रि

Jinga Boro > गोरिबनि देंखो खन्थाय आरो सल'
अक्त-18/12/2017
# गोरोन्थिफोर जाबाय बायोब्ला निमाहा मोनगोननि मिजिं थिबाय।
गोजोन्थों----
जिंगा बर


आं दा गोजांलिया

Devid Brahma > गोरिबनि देंखो खन्थाय आरो सल'
।।।।।।।।।।।।।।