मदाफिनो मोदै

सासे सुबुं,सोरनिबा मदाफि बिफा थैनायनि सोरनिबा दूखुसो आं फोरमायदों
....

मदाफिनो मोदै

"""""""""""""""""""
मदाफिनो दिनै मोदै रुखु रूखु
मोदै बावदों;
बिबोमोन सोरनिबा दावबायहोगिरि।

गोदै आरो गोदैसिन मूलि
गोखा खाब्रां रावनि थुलुंगायाव
थेउब्लाबो मदाफिनो मोदै....।

आत्मानि मोदै, बेसेदि गोदै
जिउनि नंआब्लाबो
अनजालिनिथ' गोदै मोदै!

आस'खान्दा

Chanakya Narzary > गोरिबनि देंखो खन्थाय आरो सल'

"आसखानदा"

सान अख्रां जारां महर
खोमसि हरनि हारथ'खि फाग्ला खारनाय,
नोंनि दख'ना फैसालिया आंखौदि
सिरि मोनहोदोंमोन नोंखौ मोजां मोननो।
बारि सुबानि हांगोमोर मोदाय
बिखायाव थिर गावदों,
नोंनि सामुससे अननाया
जिउखौ बेसेदि बल गेलेहोदों।
अरायथि नुजायि जायख्लं
बोसोराव सिनि सैथ' नुजायो,
बेबादि नोंनि अननायादि गोसो सिंखावना
गोसोखांहोदों बै समनि थाखोमा लायनायखौ।
आंनि फेरलेबसे मोदै
थाद' रोङासै,
नोंनि मोफ्लामगासे मोजां मोननाया
आंनि अननायखौ आसखानदा खालामबाय।
।।गोजोनथों।।
Chanakya Narzary [admin]

दुनाय गोसो

बाबुल बर' > गोरिबनि देंखोआव मेथाय आरो खन्थाय

"दुनाय गोसो"

****************
रां-रुफानि दुनाय
गावखौनो गोजौ सान्नाय
मालायखौ दुइसिन सान्नाय
सुबुं नासयनाय
मालायनि गाज्रि मावनाय
अनागारि मावनाय
मोदोम बेगें सोबखनाय
गावखौल' सिनायनाय
खायसे गोसोनि सानस्रि ।
नोंनि जोनोम मालाया होनाय
नोंनि मुं मालाया होनाय
नोंनि धोन सम्फति मालाया होनाय
मानसनमान मालाया होनाय
नोंनि सारादुखौबो मालायानो होगोन।
अब्ला धोनलाना मानो दुदों
गोहोलाना मानो दुदों
गुबुनखौ मानो सोबख'दों
आलायसिलाय मानो खालामदों
दाय गैयैखौ मानो फोथैदों ।
थैनानै थांब्ला जेबोखौनो
हानायनंङा लांफानो
धोन सम्फति रां-रुफा अहं दुनाय
बे हायावनो सेवलांगोन गोरबलांगोन
खालि थांफागोन फाब आरो फोन ।।
लि.गि. मुश्री बाबुल बर '
____________________
खालार-18/12/2017इं
सम फुं~8:40 रिंगा ।

गोदै सिमां

बाबुल बर' > गोरिबनि देंखोआव खन्थाय आरो सल'

गोदै सिमां

लांदां बिखाया हरखाब
आबुंनि महर मोनो हाबाब
हां थाबथेनाय गोसोआव हरखाब
गोथां गोथां सोमखोर सिमां।
अन्जालिजों जुलिनि
गलाप गाब दाफबनायनि
जिउ संसारनि सुखु-दुखुनि
हर गेजेरनि गलाफि सिमां।
आंनि सिफुंनि देखोआव
बेसेबा गोदै स'न्दआव
नोंनि देलाइ-देलाइ मोसानायाव
आंनि गोसोआ बेसेबांबा गोजोनदोंमोन।
गोसोआव नों आरो आंनि
गोथार जुलिनि
रुजु-रुमु संसार जानायनि
मिजिंफोरजों फिसिनानै लाखिनाय सिमां,
मोख्थांआव जाफुंबाय सानदोंमोन।
नाथाय!! बियोदि हर गेजेरनि
गोसोनि साननायल'मोन
गोदै सिमांल'मोन
सिमां मुलुगनि मोनसे सावगारिल'मोन।।
मुश्री बाबुल बर'
__________________
खालार-17/12/2017 इं
सम फुं~7:00 रिंगा ।

लोरबां गोसोनि सोमावसार सानस्रि

Jinga Boro > गोरिबनि देंखो खन्थाय आरो सल'
अक्त-18/12/2017
# गोरोन्थिफोर जाबाय बायोब्ला निमाहा मोनगोननि मिजिं थिबाय।
गोजोन्थों----
जिंगा बर

आं दा गोजांलिया

Devid Brahma > गोरिबनि देंखो खन्थाय आरो सल'

।।।।।।।।।।।।।।

अन्जालि

Jinga Boro > गोरिबनि देंखो खन्थाय आरो सल'
अक्त---18/12/2017
गोजोन फुंबिलिनि जानाय जायि जागायबाय आंबो बे ग्रुपआव गिबियै जानाय जायि अनसायनायजों फोरमायना होनायजों लोगोसे गोरोन्थिनि निमाहा मोनगोननि मिजिं थिबाय।
गोजोन्थों----
जिंगा बर '।

अनजालिनि महर

करदे बसुमतारि > गोरिबनि देंखो खन्थाय आरो सल'
अक्ट-17/12/2017

अनजालि महर

आंनि गोसोनि लांगोनायाव
गेवलांयै बारग्लांनाय
बारसे समायना रमायना बिबार नों
स्रो-स्रो बार बारनायजों
फासोरा रूबै नोंनि बिरबायनाया
बोदोंसै आंनि
गोसोखौ नोंनिनो सेर सेर ।

लुबैसै गोसोआ आंनि नोंनिनो
अन्नाय बिलिरनाय मोननो
नोंनि समायना महर नुयोब्ला आं
आंनि समनि रिफिनायखौनो
बावगोमा लांसै बे भुहुम बिखाआव।
थारैनो नों समायना हायनारि
महर गोसा सिख्ला
बिबारजों रूजु जाया नोंनि
समाइना महर
रूगुं गैयि लैथोजों समान
नोंनि बे गुवार गोसो
थारैनो एसेबां समायना नों आंनि
अनजालि महर।

नोंसिनि लांगोनाजों

अजित कुमार ब्रह्म > गोरिबनि देंखो मेथाय आरो खन्थाय

गोबाव जाथारबायमोन लै खन्थाइ लिरथारैआ जाबा - दाजानो मोनसे होलायबाय........

नोंसिनि लांगोनाजों

सम - सम थाबाय हैयो आं नोंसिनि लांगोनाजों
नोंखौ नुहैगोन्नि मिजिं लानानै
नाथाय गैया माथो नोंखौ नुनो मोना
गिदिंबोफिन्नांगौ जायो मोखां सायर'यै ।
दोहौ सोमजियो आंनि गोर्लै गोर्बोआव
गिख्रंथाव दै बाज्रुम बायदि;
हुरा - हुरा गाबखांबाय थायो आंनि गोसोआ
नोंजों नेउसि जानायनि ।
नोंनोथ' फोरोंदोंमोन आंनो मोजां मोन्नाय
नोंनोथ' होग्रोदोंमोन आंनो गिबियै अन्नाय,
नाथाय बै नोंनि अन्नाया मानो दिनै...
अखा - हादैनि दै फेंफोरना बायदि;
मा बे फोथायखेबस' जायाखै
मा बे आंखौ दुखुहोनाय जायाखै ???
सिरिनाय बिबारा रलहायो
बैसो जायोब्ला सुबुंआ बोरायो - बुरैयो
बिद्विनो नोंनि समायना महरावबो सानसे....
गोसोम जोमै दाखा नानेखाया बाफबगोन
समायना महरा रोमै - रोमै गोमोर लांगोन ;
अब्लानो नोंनि दुग्गानाया बेसेन गैयि जाहैगोन ।
नोंनोथ' होदोंमोन रादायखौ
नोंनोथ' सिफाय फिनबाय दौलेंखौ,
मा बे फाब हाबा जायाखै ?
मा बे इनाय अहंकार जायाखै ?
नोंनोथ' गोखायाव गोदै सिनि होदोंमोन
नोंनोथ' गुदुं दैआव गुसु दै लुसोमदोंमोन
जेराव आं नोंजों बमब्राय जादोंमोन,
नाथाय बे नोंनि फैमाल मुंनि फावथायसोमोन
बेनि आं नोंजों बिथोन होजानाय राजखुंगुरसोमोन।

संसारनि खान्थि

Buddho Mushahary > गोरिबनि देंखो खन्थाय आरो सल'
17/ 12 /2017
लिरबायथानो बानानै सिगांआव लिरनायखौनो सिख्रिन सतखालामन फोसावबाय ।
लिरगिरि :
बुद्ध मुसाहारी

दोंब्रै, मिलारिक

कालार:16.12.17,
सम:7.00 रिंगा,
दिपाली दैमारी बसुमतारी,

दोंब्रै, मिलारिक

( क )
गानो आं बायदि गाबनि दख'ना,
जोमो आं दख'नाजों समायनाय फास्रा,
आदोरमालि आं बयजोंबो अनजानाय,
मुंआ आंनि रंजासुलि बर' सिख्ला |
(ख )
रुमबां खानाय फिथराव गुफुर गाबनि,
समायना-रमायना बिबारनि माला,
गोदनायाव जोंख्लाब-माख्लाब स'नानि माला,
बयबो बुंङो आंखौ समायना बर' सिख्ला |
(ग)
खाम-सिफुं, ज'थाजों मोसायो आं,
मेथाय रोजाबो रैसुमै गारांजों,
रिंखांङो जेरैबो आंनि मेथाय रोजाबनायजों,
रंजानाय लाबोयो आं बयनिबो गोसोआव |
(घ)
दामनाय-देनायजों गाबखांङो आथिंनि खुंग्रु,
स्रिं-स्रिं गोमसारो आखायनि आसान,
मिनिखैरे मिनिनाय सोरखौबा इसारा होनाय,
आंनि अनजालुनि गोसो गोजोन्नाय |

गोजोन्थों,

हांनि उन उन

अक्ट-15/12/2017

हांनि उन-उन

माब्लबा गाबनानै
मिनिस्लु दोंमोन
माब्लाबा मिनिस्लु नानै
गाब दोंमोन।
जेब्लनो नोंखौ गोसोखांड़ो
अब्लनो आं
बावनानै गाबदोंमोन।
जेब्ला जायो
ऊसु खुथु गोसोया आंनि
अब्ला आं
नोंखौनो गोसोखांड़ो मोन।
खोमसि जायो जेब्ला
मोनाबिलिनि ऊन- ऊन
नोंखौनो गोसोखांड़ो आं
फंफ्रामबो रावनि ऊन-ऊन।
सिरि गोमजोर
आं थादोंमोन नाथाय नोंनि
सोदोब रिंखां फैदोंमोन
खनफ्रामबो हांनि ऊन-ऊन।

करदे बसुमतारी link to poet here

दान्दिसे समावनो सिलिंखार

16-12-17

दिनैनि खनथाया जागोना जायाखैबा गिबियै बे group आव हरनाय जाबाय। माबाफोर गोरोनथि जायोबा गिबियाव निमाहा बिखाबाय

Link to Poet here

अंकुशिता बर'(खन्थाय)

कालार:16.12.17,
सम:9.30 रिंगा,
 दिपाली दैमारी बसुमतारी ,

अंकुशिता बर',

(क)
जै, जै, मै, मै बैसोमुथि बिमानि बिखायाव,
अराय' नों जोंबाय था, अराय नों बिरबाय था,
हारिनि आंगो देरहासात नेर्सोन,
गोथार बर'नि आंगो फिसा अंकुसिता |
(ख)
गोसो गोथारै दिनै बरायबाय जों,
गोसो गोजोनै दिनै रंजाबाय जों,
हारिनि आंगो, माननि आंगो,
बर'नि आंगो फिसा अंकुसिता |

(ग)
सिबिगोन जों फुजिगोन जों,
आफा बोराय बाथौ नभ'राजा,
नोंनिनो थाखाय बोर बिगोन,
जेरैबो जेब्लायबो आवगायलांनो हानायनि |
(घ)
खर' गंग्लायै गाबख'गोन बिख'गोन,
रावनिबो गाज्रि नोजोराव दागोग्लैथों होन्नानै,
द'हायनि गिरि द'हायखौ जेब्लाबो खुगायाव लागोन,
नोंनिनो जानानै अरायबो बोर बिगोन |
(ङ)
हारिखौ जौगाहोनाय, हारिखौ मान लाखिनाय,
जेब्लाबो बावनाय नंङा,जेब्लाबो गोमोरनाय नंङा,
जोंनानै थाथों साथिफबनानै थाथों,
नोंनि म'हर, नोंनि मुं , नोंनि देरहानाय |

गोजोन्थों,

गोसोनि अननाय

गोसोनि अननाय

नोंनि महर खेबसे नुनो
नोंनि अननाय मोननो
गोसोआ बेसेदि हाखुर जायो
गोसोखौ बुरखाय नांगौ जायो।
नोंखौ सानसे नुवाब्ला
नोंनि राव सानसे खोनायाब्ला
गोसोआ बेङा बेङा जायो
रंजानाय गैया जायो।
गोसोनि खोथा बुंनो साननाया
गोसोजों नोंखौ हास्थायनाया
लाजिनाय गिनायजों गोसोआवनो थालांङो
जानोबा नों आंनि अननायखौ गनाया।
नोंथ मिथिया स'ना
आंनि गोसोनि अननायनि दैबाना
नोंनि थाखायनो बोहैयो
गोसोनि फार खुर्खाना।
मुश्री बाबुल बर '
_______________
खालार-16/12/2017 इं
सम फुं~6:40 रिंगा ।

हांमा

गोजोन फुंबिलि लोगोफोर
खन्थाइ दोंसे लिरना फोसावनाय जाबाय
दासो सोलोंहांदों मोजां गाज्रि फरायसाबदो
माबाफोर गोरोन्थि नुब्ला आसि दिन्थिना हो।
खालार:- 12/12/2017

हांमा

सना नों आंनि सिमां
नोंनो आंनि जिउ
बेसे समायना नोंनि महरा
बेसे समायना नोंनि मिनिनाय
जायो गोसो आंनि फाग्ला नोंखौ नुयोब्ला
माबोरैथो फोरमायनो सना
आंदि नोंखौ मोजां मोनो

खुगा गेवा माथो नों खाथियाव थाब्लाबो
गोरबो बिखायासो दोहो दोहो खामसै
माब्लादि फोरमायनो हागोन सना
आं नोंखौ मोजां मोनो
बेसेदि गोथार गोसोजों
सानो सना आं
नोंबा गनायगोना गनाया
आंनि अननाय मोजां मोननायखौ
बिरगहां बिरगहां बिरगलांबाय सना नों
हायासै फोरमायनो
आंनि मोजां मोननायखौ
थालांबायल' गोसोआव हांमा।
लिरगिरि:- बिस्वजित बसुमतारि। Link to poet here

Published and @copyright by Fb group Gwribni Dengkhw khonthay arw solo
Managed By Bineswar Baro

गोसो जायो

गोसो जायो

गोजां बोथोराव
गुदुं बारहावा जानो
गोसो जायो_
दुंहोनो लैथोमानि
गुसु बिखा।।
गोलोम बोथाराव
बरफ जानानै गोलैनो
गोसो जायो_
सुग्लायहोनो गुदुं
गुवार बालाहामानि बिखा।।

फागुननि बारग्लांनाय
बार जानो
गोसो जायो_
जंखायनो नोंनि
खानाय-बिलाइ फास्रा।।
मेगननि नोजोरा नायनो
गोसो जायो_
नोंनि लाजिनायजों
गोजा जाहाबनाय
महर मोखांखौ स्रा-स्रा।।
**मुश्री मुनिन बर'**Link to poet here
____________________
खालार-07/12/2017

मुखा

देभिद ब्रह्म

मोजोमसे गोजोन मोननायनि

मोजोमसे गोजोन मोननायनि

श्री बिनेश्बर बर'

फ्रि फ्रि अखानिबो खन्थाय दों
जेराव गेलेयो रंजानां खुदिया;
सुहाबलांनाय मोदोम, थेउब्लाबो
मिनिस्लु मोखां..... |
अखाफोरनि सोरांआव आंबोथ'
सल' खोनासंओमोन;
सोरांनिबो सोरांमोन
बाथौ थानसालिनि आलारिया |
बेयावबो हांमा सुरहाबनायमोन
बिमा हास्थायनायनि;
बिखा गेजेराव उफ्लेना
मोजोमसे गोजोन मोननायनि !
दिनै उदां अख्रांनि सिंआव
मावरियानि सावगारि आखियोबोला;
मेगनाव हारसिं दुखु आरो
हरावबो बिफां साया नायगिरनाय |
आबै गैया आं गैया आरो आंगोबो गैया
लैथोआनो दुखुनि सिमा जायोबोला...
रानज्लिं बिलोआ मिनिथाव;
मोजोमसे गोजोन मोननायनि |

आंनि सना मायनाव

आंनि सना मायनाव

मुश्री बाबुल बर'

बै साइकेल सालायनानै
लेखा बेग लानानै
फरायसालियाव थांनाय अन्जालिआनो
आंनि बिखानि असे अन्जालि।
बै गेलेनाय फोथाराव
स'ना गाबनि महराव
गेलेनायानो आंनि आंगोनि अन्जालि।
बै हिसान-सालिआव गाबगोनां
गुबुन गुबुन आगर गोनां
आर'नाय फालि दख'ना दानायानो
आंनि अनसुलि अन्जालि।
बै देलाइ-देलाइ बैसागो मोसानाया
खाम सिफुं ज'थानि देंखोआव
बायदेमलाइ-सिदेमलाय मोसानाया
बेनो आंनि सैनाय अन्जालि।
बै दैज्लांनि दुब्लि बारियाव
बर' होनाय हाब्रुआव
जोसा-मायब्रा माय गायनायनो
आंनि आखा-फाखा मावसुलि अन्जालि।
बै बिलोआव जुग्रप-जुग्रप
मावा फिथिख्रि नास्राय गोरै सिंगि मागुर
ख'बायाव थ्रोप-थ्रोप
सोनानै ना गुरनाया
आंनिनो स'ना मायनाव अन्जालि।।
Link to poet here
________________
खालार-15/12/2017 इं
सम फुं~9:00 बाजि ।

समाय लाबाय

समाय लाबाय

दिपाली दैमारी बसुमतारी

गोसोआ जोंनि लोरबां नंला,
रावनिबो जों गेजेन नंला,
थायनै मेगननि मोदैखौ जों
ओरैनोै बोहैहोला ,
बुर्लुं'बुथुर' दैमानि सा-हायेनाव,
बोहैनाय थैखौ जों लाबोखिनगोन,
दाखानाय थांखिखौ जों ज'खौसैयै
गोसो होसारनानै जाफुंहोगोन,
बर' बिमानि मोदै बोहैनायखौ,
जोंनि गान्नाय दख'ना आंसोलजों फुगारगोन,
नांगौ जायोब्ला आखायाव दाहालथुंग्रि दैगोन,
जोंनि मोन्थायखौ जाफुंहोथारगोन,
फै बयबो गाव-गावनि आखाय फारनैखौ
बयनिबो गेजेराव ज'यै जाबनानै,
बड'लेण्ड' दाबिनायनि मोन्थायखौ
थारैनो मोकथांआव जाफुंहोदिनि |

बारसे गलाप बिबार

बारसे गलाप बिबार

दिपालि दैमारी बसुमतारी

रुजु दोंमोन नों आंखौ,------------
समायना बारसे गोलाप बिबारजों,
रुजु दोंमोन नों आंखौ,------------
स'नानि मोदान्नायजों,
रुजु दोंमोन नों आंनि मिनिनाय--------
जारां सान गोरलैजों,
बाख्नायदोंमोन नों आंखौ,------------
रैसुमै खबाम' होन्ना,
नाथाय दिनै नोंनि बुंनाय रावआ,----------
सिमांआव बुंफैनाय बादि जालांबाय,
बबेनिबा बार हुंखाया दिनै,-----------
बुखारलांबाय गोर्बोनि अन्नायखौ,
गोजौनिफ्राय फैनाय अखा दामब्राया,-------
सुस्रालांबाय लिरनाय हांखो फोरखौ,
बस'लांबाय दिनै थेर-बेथेर,------------
समाय-खिरा लानानै खानाय दौलेंखौ,
समायना गोलाप बिबारा दिनै लरहायलांबाय,---
गोसोआ आंनि दुखुथिया महर' लाबाय |

गोजोन्थों,
दिनै बे ग्रुपआव दोंसे खन्थाय सोहर जेन्नाय जाबाय...
माबाफोर गोरोन्थि जायोब्ला फंबाय-बिनानीउ मोनखौ निमाहा होगोन होन्ना आं मिजिंथिबाय
Link to the poet here

नेउसिजानाय जिउ

नेउसिजानाय जिउ

फुंजा मुसाहारी

link to author 

गोसो गोरबो होनानै मोजां मोनदोंमोन
नोंनि खनले-खनले हांख्रायनायाव -
नाजाबाबो हायाखैमोन नोंखौ नासयनो
अननाय होदोंमोन नोंनि महरखौ नायनानै
खनसे नङा खननै नों आंखौ
दुखु होदोंमोन गनायदो सना होननानै ।
नाथाय नोंनि बै गुरै गोदै-गोदै रावआ
दिनै मानो रोमै-रोमै आनज्रायलांखो ?
सानाखैमोन नोंखौ अनागारि होननानै
बे आंनि सुख,खहायै गोरोनथि ,
नङामोन आं एसेबां थौले गोसोनि
नासयाखैमोन आं नोंनि खुद्रिनायाव
बै नुहुरनाय हाजोया बेसेबां समायना
बेजोंबो रुजुजाया नोंनि गोरबो ।
नों बुजियासै आंनि बजबनायखौ
नोंनोथ,बुंदोंमोन नाजावदो सना
दा जाबाय आंसो लामानि बिबायारि
सानदोंमोन गोजोन खुसि संसार जागोन
गालांबाय नों जोनो-जोनो अरगें
आंनि गुरै गोरबो बिखायाव ।
हे लायमोन खबदार
नोंनि महरा सानजों सहायनो हाया
जेब्ला लरहायनानै सिरिलांगोन
साननांगोन नों आंनि गोथार अननाय ।

मोनस'हायि गोसोनि हाबिला

मोनहासयै गोसोनि हाबिला

अजित कुमार ब्रह्म

मोनहास'यै गोसोआ
आंनि मेग'ननि इसाराजोंनो
बेसेबा गोजानाव थायोब्लाबो नों
जेब्लायबो आंनि खाथिआवनो मोनो
जेराव थार अन्नायनि फिथिखा लुफावो।
निजोम दैसा गाथोनाव
रावबो गैयि दावब' बास्रिनाय
बै अनलायनायनि गोथार थावनिआव
जेराव दासिमबो नोंखौ फैगोननि मिजिङाव
सान दोबै जासिम नेनानै दङो।

आगान थैनि

आगान थैनि

श्री बिनेश्बर बर'

आगान उन्दै गथ'निबादि,
गुसुआव सुहाबदों
गुसुआव आथिंआ निला जाबोदों
नोंहा मुलाम्फा गैयाब्लानो
बिदि नायना थागोनना!

सुहाबनाय आथिंआ अन्थायाव
गोग्लैना थैजों गोजा गाब लादों
आदोर गैयि सुहाबनाय
आदोर गैयि अन्थाय,
थेवब्लाबोथ' थांना दों
हास्थायनायनि लामायाव!

मानसिया खाना,बेखायनो
उनफिनना थांदों
बारहां शेफालिनि गोदै
मोदोमफ्रुनाय,बि
बिनि थैजों आगान सुरदों
शेफालिनि मोदोमफ्रुनायाव
गासै बावलांबायना!

बेनि उनावबो थैजों
आगानसुरदों बियो,
गोरोन्थि गैयि,गियै लामायाव।
उन्दै गथ'निबादि आगानाव
बै आथिंखौ नों माबोरै नायदों?
नोंनिबोथ' आथिंआ थैजों जाहाबबाय!

अख्रां हा दै बार अर

अख्रां हा दै बार अर

श्री बिनेश्बर बर'

सोरजिनि बा गाबजों
रुजुहायि समायदों बे अख्रांआ।
दैनि गोदै देंखोआव
रोजाबगासिनो बोहैनाय गुसु बारआ,
दुंहाबनाय अरा रोजाबदों
बीहुमबिखानि हायाव

अख्रांनो दैया बुंबाय
अमर समायना बे हारि आंनि
अ बर' आय' नोंनो आंनि गोदै
देंखोआव दोंसे आरज बेयो।

सिउ सिउ बारनाय बारआ
लाबोदों गोदान मेथाय,
बेनो आंनि हारिमु संस्कृति
बेनो मोसानाय-दावहा सोलो।

गासै रायजो दुंहाबदों,देंखो बोदों
अ' आय' नोंनो जोंनि आरज
नोंनि थाखाय जोंनि आरज,
नोंनो जोंनि मेथाय।

बुहुम बिखानि हायाव मिनस्लुना बर' आय'आ रोजाबबाय,
नोंसोरनो आंनि सुखु-दुखु
नोंसोरनि थाखायनो आंनि सोरजि......।

मोन्दांथिनि रोदोब

अननायनि देरायाव

अननायनि देरायाव

श्री बिनेश्बर बर'

सना, सानजाथिं गोजा गाबनि आलायअर'न
नुनानै सिखिरिफोरा बाहां बिरहां मोसाग्लांदों,
दाव देंखोरा नोंनि-आंनि बैसागू
मेथाय रोजाबदों नैबे
अननायनि देरायाव....|
लिरगिरि:-बिनेश्बर बर'
नुनानै सिखिरिफोरा बाहां बिरहां मोसाग्लांदों,
दाव देंखोरा नोंनि-आंनि बैसागू
मेथाय रोजाबदों नैबे
अननायनि देरायाव....|
सम बारलांओ
सानजौफुनि थिं थिं सानदूंआव गसंना
खाखिनि गयफोरा नोंखौ बरायनो;
नों फैसिगोन साननानै नेनानै दों
अननायनि देरायाव......|
बेलासेनि गोजोन समाव खुदियाफोरा
फोथाराव गेलेदों ,बे समावनो
ओवा बिजौआ मोसाग्लांदों, देंखोरनि
गारांआव नों फैसिगोन साननानै
अननायनि देरायाव......|
नों फैगोन सानना थानसालियाव
आयैया बिबार बावदों.....
मोनाबिलिनि समाव बिबारफोरा
मेंग्लिना दसे उनदूदों ..नैबे
अननायनि देरायाव |
दिनैबो सानजाहा आलायअ'रन
साग्लोबदों......
सिखिरिया मोसाग्लंदों...
....सना, नैबे दैमुबादि गोजोन देरायाव
आंनि बर' अाय' आरो आं
नोंखौ बरायनो नेगासिनो....
बिहामजो महरै ...नैबे
अननायनि देरायाव ||

आंथ' रावनिबो अनजालु नंआमोन

आंथ' रावनिबो अनजालु नंआमोन

श्री बिनेश्बर बर'

आंथ' रावनिबो अनजालु नंआमोन,
थेउब्लाबो लिरदोंमोन मोजां मोननायनि
खन्थाय आरो खन्थाय।
मोगथांआवनो एदावदोमोन
नों सोरनिबा अनजालु जाबाय.....
सानदोंमोन गावखौनो अननायजों;
खन्थाय लिरनानै सोरनिबा
रजे जानो हाबाय।
आं गोथौ मोजांमोननायाव गोग्लैदों
अननायनि देरायाव नेगासिनो दों......
सिमांआव आलायअरन नुदों.....
आरो लिरदोंमोन गोबां मेथाय आरो खन्थाय।
गोसो सिंआवनो सान्दोमोन....
गोरबोआव खर' गारज्लिंनानै;
सानदोंमोन शेफालिनो
मोदोमफ्रुनाय फुंबिलिनि
मा लिरगोन बे अख्रांनि सिंआव!
बावगारलांदोंमोन एसे आगोलाव जों मा रायज्लायदोंमोन।
नुंगौ आं थारैनो मोजां मोननायाव गोग्लैदों।

फोरोंनायनि खन्थाय दोंसे

फोरोंनायनि खन्थाय दोंसे

श्री बिनेश्बर बर'

जेब्लासिम रोंआखैमोन फोथायनो,
आं रोंआखैमोन बिनि बायदि आरजगाबनो।
आं माब्लाबाबो गासै फोथायनो रोँआखैमोन
जेब्लासिम बियो आंनि लामायाव फैयाखैमोन।

जेब्लासिम आंनि लोरगिथिखौ आं नुआखैमोन,
आं बिनि गोहोखौ माब्लाबाबो मोनथियाखैमोन
माब्लाबाबो सिमां नुआखैमोन,जेब्लासिम
बिनि बाथ्राखौ खोनायाखैमोन।

बियो लोंदोंमोन दुखुनि बिस,
लोंदोंमोन जोंनि रंजानाय नुगोन सानना
बियो दानिया दैदेनहरो गोजानाव गेदेर बारहुंखा,
जानो हागौ बियो एखोमाना दों।

बिनि गोब्रोआ नुयो जोंनि बईनिख्रुईबो गोजोनखौ,
नुयोमोन जेब्ला गासै होस्रिखावोमोन,
जों सोर्गो नुनाय नंआमोन जदि बियो
बुहुमाव सोर्गोनि लामा दिन्थियामोन।

हायनारि सना

हायनारि सना

अजितकुमार ब्रह्म

गोसो सिंआव

नोनंनो हर्खाब नुजाफैयो
नाथाय नों मानो सना
मोग्थांनि राज्योआव
आंनिफ्राय जानखाराव थायो ।
सिरिनाय बिबारा मुसियो
दाहागोनां गोसोआ गावस्रायो
जेराव आं अन्नाय मोनगोननि बिबायारि
नोंनि गोर्बो मन्दिरनिफ्राय
आं नोंजों जोखारजाबाय
सना हायनारि ।

बेखौथ' बुंदो सोर नों

बेखौथ' बुंदो सोर नों

श्री बिनेश्बर बर'

नों दों,
आंनिबे संसारा दों
आं आरो आंनि मोजांमोननाय
गासैबो नोंनि थाखायल'

नों दों,
बे बुहुमाव गाबमहरै
दों नों गुसुथिनि गोदै
राव जानानै।

अख्रां अख्रां गिदिंथिंना सोरां
होयो बे बुहुमाव
बै सानआ,
नोंगौ नोंबादि रावबो गैया।

मोजां मोननाय नोंनो
होबाय,गोसोबो नोंनो....
नोंनो खाथियाव फैबाय
बेखौथ' बुंदो सोर नों.....।

जै बर' हारिनि जै

जै बर' हारिनि जै

श्री बिनेश्बर बर'

ओई लोगो थाबैनो फैदो,नै
एसेबां गोलाउ लामायाव
मेंओबोला मा जानो!
खोनादोंना लोगो नों?
फैदो नोंबो फैदो।
बे बुहुमाव मावनांगौ दों जोंहा;
बे बाथ्राखौ मोनथिना ला नों
बिदि खाफाल हमना
थायोबोला मा जागोन!
आंनि बाथ्राखौ खोनासं नों
नोंहा मानि गिनाय!
बे बुहुमा नोंनिनो,अख्रांआ
नोंनि नंआमोन नामा?
खोनासं लोगो,खोनासं
आंनो थाबैनो रादाय होदो;
जै बर' आईनि जै।

जों आगोलाव मा रायज्लायदोंमोन

जों आगोलाव मा रायज्लायदोंमोन

श्री बिनेश्बर बर'

सम सम आत्माजों रायज्लायो
गेजेर गेजेर सानो,
बै समआ बारलांबाय गोदान
मुगानि गोदान सिखिरि जाहाबबाय।

खोमसि अम्बासि हराव पुर्णिमा
अखाफोर जोंना थायोमोनबोला
पुर्णिमा हरबादिनो गोजों
समायना,जागौमोन सानख'हायि।

अम्बासि जाहाबदोंमोन,सोरबा मिनिदोंमोन
नाय बिखौ नाय लोगोफोर हा हा.....।
पुर्णिमा अखाफोरा जोमै सिंआव
हाबलांदोंमोन जानांगौ।

सानखि हर सानदोंमोन गोसो
सिंआव ओंथि गैयि ओंथि लानानै
हर सान माब्लाबानो बावगारदोंमोन
सोरगिदिं नायो दै आरो अर।

खारदोंमोन थार लामाथिं
मोनसेल जिउखौ लानानै मेंग्लिना
जेसेबां गोग्लैदोंमोन एसेबांनो मिनिदोंमोन
थेउब्लाबो खारदोंमोन ओंथि दों सानना।

दिनै गावनिनो आत्मानि गोदै राव,
गोदै गोरबोआव बावनो हादों
राव होनायलाय बागदावना सोंबाय,
जों आगोलाव मा रायज्लायदोंमोन!!

सिमांनि मुल

सिमांनि मुलि

सानसुमा बर'

जु जु लोंनि
उदैनिफ्राय बिखासिम
बिखानिफ्राय गोरबोसिम
बावगोमानि दान्दिसे
जिउनि ओंथिखौ
खाफालनि रिफिखननाय
दोनथुमनाय समनि फिथाइ
सिरिगारलांसै गान्दुनि बिखायाव
आखाइजों दांग्रोम दांग्रोम नागिरबायो
जिउनि जु जु
आहार बिदै सोबनो