अख्रां हा दै बार अर
श्री बिनेश्बर बर'
सोरजिनि बा गाबजों
रुजुहायि समायदों बे अख्रांआ।
दैनि गोदै देंखोआव
रोजाबगासिनो बोहैनाय गुसु बारआ,
दुंहाबनाय अरा रोजाबदों
बीहुमबिखानि हायाव
अख्रांनो दैया बुंबाय
अमर समायना बे हारि आंनि
अ बर' आय' नोंनो आंनि गोदै
देंखोआव दोंसे आरज बेयो।
सिउ सिउ बारनाय बारआ
लाबोदों गोदान मेथाय,
बेनो आंनि हारिमु संस्कृति
बेनो मोसानाय-दावहा सोलो।
गासै रायजो दुंहाबदों,देंखो बोदों
अ' आय' नोंनो जोंनि आरज
नोंनि थाखाय जोंनि आरज,
नोंनो जोंनि मेथाय।
बुहुम बिखानि हायाव मिनस्लुना बर' आय'आ रोजाबबाय,
नोंसोरनो आंनि सुखु-दुखु
नोंसोरनि थाखायनो आंनि सोरजि......।
No comments:
Post a Comment