मोजोमसे गोजोन मोननायनि

मोजोमसे गोजोन मोननायनि

श्री बिनेश्बर बर'

फ्रि फ्रि अखानिबो खन्थाय दों
जेराव गेलेयो रंजानां खुदिया;
सुहाबलांनाय मोदोम, थेउब्लाबो
मिनिस्लु मोखां..... |
अखाफोरनि सोरांआव आंबोथ'
सल' खोनासंओमोन;
सोरांनिबो सोरांमोन
बाथौ थानसालिनि आलारिया |
बेयावबो हांमा सुरहाबनायमोन
बिमा हास्थायनायनि;
बिखा गेजेराव उफ्लेना
मोजोमसे गोजोन मोननायनि !
दिनै उदां अख्रांनि सिंआव
मावरियानि सावगारि आखियोबोला;
मेगनाव हारसिं दुखु आरो
हरावबो बिफां साया नायगिरनाय |
आबै गैया आं गैया आरो आंगोबो गैया
लैथोआनो दुखुनि सिमा जायोबोला...
रानज्लिं बिलोआ मिनिथाव;
मोजोमसे गोजोन मोननायनि |