अननायनि देरायाव
श्री बिनेश्बर बर'
सना, सानजाथिं गोजा गाबनि आलायअर'न
नुनानै सिखिरिफोरा बाहां बिरहां मोसाग्लांदों,
दाव देंखोरा नोंनि-आंनि बैसागू
मेथाय रोजाबदों नैबे
अननायनि देरायाव....|
लिरगिरि:-बिनेश्बर बर'
नुनानै सिखिरिफोरा बाहां बिरहां मोसाग्लांदों,
दाव देंखोरा नोंनि-आंनि बैसागू
मेथाय रोजाबदों नैबे
अननायनि देरायाव....|
सम बारलांओ
सानजौफुनि थिं थिं सानदूंआव गसंना
खाखिनि गयफोरा नोंखौ बरायनो;
नों फैसिगोन साननानै नेनानै दों
अननायनि देरायाव......|
बेलासेनि गोजोन समाव खुदियाफोरा
फोथाराव गेलेदों ,बे समावनो
ओवा बिजौआ मोसाग्लांदों, देंखोरनि
गारांआव नों फैसिगोन साननानै
अननायनि देरायाव......|
नों फैगोन सानना थानसालियाव
आयैया बिबार बावदों.....
मोनाबिलिनि समाव बिबारफोरा
मेंग्लिना दसे उनदूदों ..नैबे
अननायनि देरायाव |
दिनैबो सानजाहा आलायअ'रन
साग्लोबदों......
सिखिरिया मोसाग्लंदों...
....सना, नैबे दैमुबादि गोजोन देरायाव
आंनि बर' अाय' आरो आं
नोंखौ बरायनो नेगासिनो....
बिहामजो महरै ...नैबे
अननायनि देरायाव ||
No comments:
Post a Comment